ការរៀននៅផ្ទះអាចនឹងមានការពិបាកសម្រាប់គ្រួសារទាំងអស់គ្នា ជាពិសេស គឺក្រុមគ្រួសារដែលមានកុមារពិការភាព ឬកុមារដែលមានតម្រូវការអប់រំពិសេស។ ខាងក្រោមនេះ គឺជាគន្លឹះ និងការណែនាំថសាមញ្ញាមួយចំនួនដែលអាព្យាបាលអាចបង្រៀនកុមារបានពីអ្នកជំនាញអប់រំពិសេស ដើម្បីធ្វើអោយកាន់តែមានភាពងាយស្រួលក្នុងការជួយកុមារ :

• ការបង្កើតទម្លាប់

កុមារដែលមានតម្រូវការពិសេសច្រើនតែមានរចនាសម្ព័ន្ធ និងទម្លាប់ជាប់លាប់។ ដូច្នេះការរៀបចំកាលវិភាគប្រចាំថ្ងៃអោយពួកគេជាផ្នែកមួយសំខាន់ផងដែរ ដែលជួយអោយកុមារដឹងពីសកម្មភាពដែលខ្លួនគេត្រូវធើ្វ។ នេះនឹងជួយឱ្យពួកគេមានអារម្មណ៍ ងាយស្រួល នឹងមិនសូវមានអារម្មណ៍តានតឹង។

• ប្រើប្រាស់សំភារ:ដែលអ្នកមាននៅផ្ទះ

អាព្យាបាលអាចបង្រៀនកុមារនូវពាក្យថ្មីៗដោយការអោយកុមារស្វែងរកវត្ថុនៅជុំវិញផ្ទះ។ កុមារទំនងជានិយាយតាម និងចងចាំឈ្មោះវត្ថុទាំងនោះ។ ឪពុកម្តាយអាចនិយាយទៅកុមារ នឹងសួរកុមារទាក់ទងនឹងអី្វដែលកុមារកំពុងមើល។ ឧទាហរណ៍ ប្រសិនកុមារកំពុងសំលេងមើលផ្លូវថ្នល់ អ្នកអាចសួរសំណួរងាយៗទៅកុមារ ដូចជាឡានមានពណ៍អី្វ? ដើម្បីបណ្តុះនូវការគិតរបស់កុមារ។ ជួយកុមារអោយមានការឯករាជ្រលើខ្លួនឯង ដូចជាបង្រៀនអោយគេធើ្វកិច្ចការងាយៗដោយខ្លួនគេ​ ដូចជា រៀបចំអាហារ សំអាត។

• យល់ពីអារម្មណ៍កុមារ

កុមារនឹងមិនអាចសិក្សាបានទេប្រសិនពួកគេមានអារម្មណ៍តានតឹង។ ជាពិសេស គឺកុមារអូទីស្សឹម ពួកគេមានលំបាកក្នុងការយល់ និងវិធីដោះស្រាយ ដែលទាំងអស់នេះធើ្វអោយកុមារមានការថប់បារម្មណ៍ ហើយកុមារនឹងបង្ហាញនូវអាកប្បកិរិយាអវិជ្ជមាន។ ការនិយាយជាមួយកុមារអំពីអារម្មណ៍ពួកគេ ក៏អាចជួយអោយកុមារកាត់បន្ថយអារម្មណ៍ និងសកម្មភាពអវិជ្ជមានរបស់ពួកគេ។ ឪពុកម្តាយ និងកុមារនឹងមានអារម្មណ៍ងាយស្រួលក្នុងការបង្រៀននៅផ្ទះ។