គំនិតធ្វើអត្តឃាត មានន័យថាការគិត ឬរៀបចំផែនការក្នុងការធ្វើអត្តឃាត។ គំនិតធើ្វអត្តឃាតតែង

កើតឡើងនៅពេលនរណាម្នាក់ជួបប្រទះ ឬទទួលរងនូវភាពតានតឹង ឬអ្នកដែលមានបទពិសោធន៍ជំងឺ បាក់ទឹកចិត្ត។

• កត្តាដែលជំរុញអោយមានគំនិតអត្តឃាត
• មនុស្សដែលមានគំនិតអត្តឃាតអាចមានជំងឺផ្លូវចិត្តមួយចំនួន ដូចជាជំងឺបាក់ទឹកចិត្ត ថប់បារម្ភ វិបត្តិនៃការហូប (Eating Disorder) anorexia និងសារធាតុញៀនមួយចំនួន។
• មនុស្សដែលមានប្រវត្តិគ្រួសារមានជំងឺផ្លូវចិត្តទំនងជាមានគំនិតចង់ធ្វើអត្តឃាត។
• បុគ្គលដែលកំពុងជួបប្រទះ ឬអាចមានគំនិតចង់ធ្វើអត្តឃាតអាចបង្ហាញសញ្ញា ឬរោគសញ្ញា

ដូចខាងក្រោមៈ

• មានអារម្មណ៍អស់សង្ឈឹម
• លេចចេញនូវការខ្វល់ខ្វាយខុសប្រក្រតីជាមួយនឹងអំពើហឹង្សា ឬការស្លាប់
• ឆា​ប់ប្រែប្រួលនូវអារម្មណ៍ម្តងសប្បាយ ម្តងទុក្ខសោក
• តែងនិយាយអំពីការសងសឹក កំហុស ឬភាពអាម៉ាស់
• ស្ថិតក្នុងស្ថានភាពថប់បារម្ភខ្ពស់
• ផ្លាស់ប្តូរទម្លាប់មួយចំនួន ដូចជាការគេង
• សេពគ្រឿងស្រវឹង ឬស្រាច្រើនជាងធម្មតា ឬចាប់ផ្តើមផឹកនៅពេលដែលពួកគេមិនធ្លាប់ធ្វើពីមុន
• អាកប្បកិរិយាធេ្វសប្រហែស ដូចជាការបើកបរមិនប្រុងប្រយ័ត្ន ឬសេពគ្រឿងញៀន 
• មានកាំភ្លើង ថ្នាំ ឬសារធាតុផេ្សងៗដែលអាចប៉ះពាល់ដល់អាយុជីវិត
• ជួបប្រទះនូវជំងឺបាក់ទឹកចិត្ត ការវាយប្រហារភ័យស្លន់ស្លោ 
• ភាពឯកោ
• តែងនិយាយពាក្យថាលា ដូចជាទៅលេងបងប្អូនដោយមិនបានព្រាងទុកជាមុនហើយប្រើ ពាក្យថាលាអ្នកទាំងនោះហាក់បីដូចជាថាខ្លួនលែងបានមកលេងទៀតហើយ។
• ហាក់ដូចជាមិនអាចទទួលអារម្មណ៍រីករាយពីព្រឹត្តិការណ៍ជីវិតដែលរីករាយជាធម្មតា ដូចជាការបរិភោគដែលចូលចិត្ត ការធ្វើលំហាត់ប្រាណ ទំនាក់ទំនងសង្គម
• មានវិប្បដិសារីធ្ងន់ធ្ងរ និងការរិះគន់ខ្លួនឯង
• ច្រើននិយាយអំពីការធើ្វអត្តឃាត ឬមរណភាព។ តែងមានអារម្មណ៍សោកស្តាយចំពោះការ

រស់នៅ ឬការគិតថាខ្លួនឯងមិនគួរកើតមកទេ។

• មានការ​រៀបចំ​ទុកដាក់អ្វីៗជាមុន​ដូចជារៀបចំ​បណ្តាំហៅ​កូនចៅ​មក​ផ្តែផ្តាំ ​ឬ​រៀបចំ​ការជួបជុំ​កូនចៅ​ហាក់បី ដូចជា​បង្ហាញថា​និង​ឃ្លា​តទៅ​ណាមួយ​រយះពេល​យូរ។
• ព្យាយាម​គេចចេញពី​អ្នកដ៏​ទៃ ដូចជា​គេច​មិន​ជួ​ប​មិត្ត​ភ័ក្ត្រ គេច​ពី​សមាជិកគ្រួសារ ចាប់ផ្តើម​មិន​ចូលរួម​សកម្មភាព​សង្គម ចង​នៅ​ស្ងា​ត​ស្ងៀម​តែឯង។
• មូលហេតុ

គំនិតចង់ធើ្វអត្តឃាតតែងកើតមានឡើងនៅពេលនរណាម្នាក់មិនអាចទប់ទល់នូវព្រឹតិ្តការណ៍ ស្ថានភាពរន្ធត់ណាមួយ។ ពួកគេអាចនឹងជួបវិបត្តិដូចជា បញ្ហាធ្លាក់ចុះនូវសេដ្ឋកិច្ចក្នុងគ្រួសារ ការបាត់បង់ជីវិតមនុស្សដែលខ្លួនស្រលាញ់ ការបែកបាក់ទំនាក់ទំនងជាមួយដៃគូ ឬមានជំងឺប្រចាំកាយ។ 

កត្តាហានិភ័យខាងក្រោម គឺអាចជះឥទិ្ធពលដល់បុគ្គលដែលមានគំនិតចង់ធើ្វអត្តឃាត

• សមាជិកក្រុមគ្រួសារណាម្នាក់ដែលមានជំងឺផ្លូវចិត្ត
• ក្រុមគ្រួសារដែលមានអំពើហិង្សា
• សមាជិកក្រុមគ្រួសារធ្លាប់មានអត្តឃាត
• មានអារម្មណ៍អស់សង្ឈឹមជាខ្លាំង
• មានអារម្មណ៍ថាត្រូវគេទុកចោល ឯកោ
• បុគ្គលដែលស្រលាញ់ភេទដូចគ្នា ប៉ុន្តែគ្រួសារមិនគាំទ្រ
• មានបញ្ហាធ្ងន់ធ្ងរពាក់ព័ន្ធនឹងផ្លូវច្បាប់
• ស្ថិតក្រោមឥទិ្ធពលនៃគ្រឿងស្រវឹង ឬគ្រឿងញៀន
• សម្រាប់កុមារវិញ មានបញ្ហាទំនាក់ទំនងបញ្ហា ឬបញ្ហានៅសាលារៀន
• មានបញ្ហាផ្លូវចិត្តធ្ងន់ធ្ងរ
• ធ្លាប់ធើ្វអត្តឃាតពីមុនតែមិនបានសំរេច
• គេងមិនលក់
• ការការពារ និងការជួយកាត់បន្ថយហានីភ័យនៃគំនិតអត្តឃាត

សមាជិកគ្រួសារ និងមិត្តភកិ្តអាចកំណត់សំគាល់នូវរបៀបដែលបុគ្គលមានគំនិតចង់ធើ្វ

អត្តឃាតតាមរយ:ការនិយាយ ឬតាមអាកប្បកិរិយាដូចការរាប់រៀបខាងលើ។ យើងអាចជួយ ពួកគេបានដោយនិយាយជាមួយគេ និងការស្វែងរកការគាំទ្រដ៏សមស្របមួយ។

• ការគាំទ្រពីគ្រួសារ: ព្យាយាមចំណាយពេលនិយាយជាមួយគេអំពីអារម្មណ៍យើង និងសុំស្នើរគាត់អោយទៅទទួលសេវាសុខភាពជាមួយអ្នក
• ជៀសវាងប្រើប្រាស់គ្រឿងញៀន និងគ្រឿងស្រវឹង
• កុំនៅតែម្នាក់ឯង ព្យាយាមរក្សាទំនាក់ទំនងនៅខាងក្រៅអោយច្រើនតាមតែអាចធើ្វ

ទៅបាន

• ធើ្វលំហាត់ប្រាណអោយបានទៀតទាត់
• ហូបអាហារអោយបានត្រឹមត្រូវ
• គេងអោយបាន ៧ទៅ៨ម៉ោង
• កុំប៉ះពាល់អាវុធ ឬសារធាតុពុលផ្សេងៗ
• ស្វែងរកអី្វដែលផ្តល់ភាពរីករាយដល់អ្នក ដូចជាការនៅក្បែរក្រុមគ្រួសារ មិត្តភកិ្ត មនុស្សជាទីស្រលាញ់ និងផ្តោតទៅលើភាពរីករាយនឹងអី្វដែលអ្នកមាន
• ការជួយខ្លួនឯង ឬសែ្វងរកក្រុមគាំទ្រដែលយល់នឹងជួយលើការប្រឹក្សាពីបញ្ហារបស់ អ្នក
• សែ្វងរក និងតាមដានការព្យាបាល

មនុស្សជាច្រើនធ្លាប់មានគំនិតអត្តឃាត ប៉ុន្តែពួកគេបានស្វែងរកដំណោះស្រាយដោយត្រឹមត្រូវ ដូចជាការចែករំលែកបញ្ហារបស់ពួកគេជាមួយអ្នកដទៃ។