ការធើ្វរោគវិនិច្ឆ័យខាងផ្នែកវេជ្ជសាស្រ្តដោយផ្អែកលើលំនាំនៃការហូប និងការធើ្វតេស្តទៅលើ ទម្ងន់ ឈាម ម៉ាសនៃរាងកាយ។ ខាងក្រោមជាប្រភេទជំងឺដែលកើតឡើងច្រើនចំពោះ ជំងឺនៃការហូបមិនប្រក្រតី :

Bulimia nervosa

ការហូបច្រើនលើសលប់ក្នុងរយ:ពេលខ្លី ពីព្រោះអ្នកមានអារម្មណ៍ធុញថប់ ឬមានទុក្ខព្រួយ បន្ទាប់មកកើតមានអារម្មណ៍ខ្មាស់អៀន និងចង់ក្អួតដើម្បីអោយអាហារចេញមកវិញ។

រោគសញ្ញា

• ហូបច្រើនលើសលប់
• បន្ទាប់ពីហូបរួចមានអារម្មណ៍មានកំហុស ចង់ក្អូតចេញអាហារមកក្រៅវិញ រួចមានអារម្មណ៍ឃ្លានម្តងហើយ ម្តងទៀតពេញមួយថៃ្ង
• ហូបអាហារដែលគិតថាមិនល្អសម្រាប់អ្នក
• ហូបអាហារស្ងាត់ៗ និងលាក់កំបាំងពីអ្នកដទៃ
• តែងតែឃ្លាន
• ព្យាយាមក្អូត ដើម្បីអោយអាហារទាំងអស់ចេញមកវិញ ប្រើថ្នាំបញ្ចុះលាមក ឬធើ្វលំហាតប្រាណហួសកំរិត
• ទំម្ងន់អាចលើស ទៅទំម្ងន់ទាបដែលមិនសមស្រប
• ស្បែកស្ងួត
• សម្រាប់ស្រ្តីគឺវដ្តវមិនទៀងទាត់

Anorexia nervosa

ការហូបមិនគ្រប់គ្រាន់អោយសមស្របទៅកំរិតមួយដែលត្រឹមត្រូវ។ អ្នកជំងឺប្រភេទ Anorexi គេត្រូវតែតមអាហាររហូតដល់ស្គម ដោយអ្នកជំងឺតែងតែមានការយល់ខុសលើរូបរាងខ្លួនឯង។ 

រោគសញ្ញា

• កាត់បន្ថយការហូប ឬមិនហូប
• ចំណាយពេលច្រើនរាប់កាឡូរីក្នុងអាហារ
• លួចបោះចោលអាហារ
• គិតការសម្រកគីឡូគ្រប់ពេល
• ធើ្វលំហាត់ប្រាណហួសប្រមាណ
• បង្កើតទម្លាប់ និងវិន័យនៃការបរិភោគ
• ធ្លឹងគីឡូគ្រប់ពេល
• ស្រកគីឡូក្នុងកំរិតមួយមិនត្រឹមត្រូវ
• អ្នកអាចនឹងក្លាយជាមនុស្សដែលមិនមានការលូតលាស់ខាងរាងកាយ
• មានអារម្មណ៍ចុះខ្សោយ
• រដូវមិនទៀតទាត់ ឬមិនមានតែម្តង
• អាចនឹងពិបាកក្នុងការផ្តោតអារម្មណ៍

Binge eating disorder

ការបរិភោគច្រើនលើសលប់ក្នុងរយ:ពេលខ្លី។ អ្នកអាចនឹងហូបច្រើនជ្រុលដើម្បីអោយមានអារម្មណ៍ល្អ ឬព្យាយាមបិទបាំងអារម្មណ៍មិនល្អរបស់អ្នក។ 

រោគសញ្ញា

• បរិភោគអាហារច្រើនក្នុងរយ:ពេលខ្លី ពេញមួយថៃ្ង
• តែងតែបរិភោគនៅពេលអ្នកអារម្មណ៍តានតឹង ទុក្ខព្រួយ ធុញ ឬមិនសប្បាយចិត្ត
• លាក់កំបាំងអ្នកដទៃពីចំនួនដែលអ្នកហូប
• បន្តហូបរហូតដ៏ក្អូត

• លើសទំង្ងន់
• ដង្ហើមដង្ហក់
• ក្អូតចង្អោរ
• ជាតិស្ករមានកំរិតខ្ពស់

ការព្យាបាល

• CBT (Cognitive Behavioural Therapy) ជួយអតិថិជនអោយប្រឈមនឹងគំនិត និងអាកប្បកិរិយា ដោយការនិយាយអំពីបញ្ហារបស់គេ។
• Family intervention នេះជាប្រភេទនៃការព្យាបាលនិយាយសម្រាប់សាច់ញាតិ ឬអ្នកថែទាំអ្នកជំងឺបរិភោគ។ វាអាចជួយឱ្យសាច់ញាតិ ឬអ្នកថែទាំខិតខំប្រឹងប្រែងដើម្បីជួយអ្នក និងរកវិធីដោះស្រាយបញ្ហាជាមួយគ្នា។
• វេជ្ជបណ្ឌិតអាចនឹងណែនាំឱ្យប្រើថ្នាំដើម្បីសំរួលអារម្មណ៍របស់អ្នកជំងឺផងដែរ៕