ធាតុសំខាន់ៗក្នុងការជួយអ្នកឱ្យប្រាស្រ័យទាក់ទងកាន់តែមានប្រសិទ្ធិភាពជាមួយកុមារអូទីហ្សឹម។
ចំណាប់អារម្មណ៍របស់កុមារ
- ហៅឈ្មោះកុមារមុនពេលអ្នកចាប់ផ្តើមសកម្មភាពណាមួយ ដើម្បីឱ្យពួកគេដឹងថាអ្នកកំពុងនិយាយជាមួយពួកគេ។
- ត្រូវប្រាកដថាពួកគេយកចិត្តទុកដាក់ មុនពេលអ្នកសួរសំណួរ ឬផ្តល់ការណែនាំទៅកុមារ។
- អ្នកត្រូវដឹងពីចំណង់ចំណូលចិត្ត និងទម្លាប់របស់ពួកគេ ដើម្បីផ្តល់ជាគន្លឹះខ្លះៗក្នុងការជ្រើសរើសសកម្មភាពលេងណាមួយដែលសាកសមនឹងកុមារ។
ដំណើរការព័ត៌មានរបស់កុមារ
ប្រសិនបើមានព័ត៌មានច្រើនពេកនឹងអាចធើ្វអោយកុមារមានពិបាកក្នុងការយល់។
ដូច្នេះអ្នកត្រូវ:
- និយាយដោយប្រើពាក្យខ្លី សាមញ្ញៗ ងាយយល់ និងយឺតៗទៅកាន់កុមារ
- ប្រើយោគខ្លីៗ និងផ្តល់ពេលអោយកុមារគិត និងឆ្លើយតប
- កុំសួរសំណួរច្រើនពេកទៅកុមារ
- ប្រើរូបភាព (Visual Supports) ដើម្បីណែនាំកុមារពីសកម្មភាពណាមួយ
- ត្រូវដឹងអំពីបរិស្ថានជុំវិញកុមារ (គ្មានសំលេងរំខាន / ចង្អៀត)។ បញ្ហាញ្ញាណដឹង (Sensory Problem) ក៏អាចជាកត្តាធើ្វអោយប៉ះពាល់ក្នុងដំណើរការព័ត៌មានរបស់កុមារបានដែរ។
ជៀសវាងសំណួរបើក
- ប្រើសំណួរខ្លីៗ
- សួរតែសំណួរចាំបាច់បំផុត ឬសួរសំណួរដោយអ្នកត្រូវផ្តល់ជាជម្រើសដល់កុមារដើម្បីឆ្លើយ
- សំណួររបស់អ្នកត្រូវជាក់លាក់។ ឧទាហរណ៍ “កុមារចូលចិត្តញាំនំនេះទេ?” និង “តើកូនចង់ចូលបង្គន់ទេ?” ជាជាង “តើថ្ងៃនេះកូនធើ្វអី្វខ្លះនៅសាលា?”
កាត់បន្ថយប្រើពាក្យ No!!!!!!
- ជំនួសដោយពាក្យ (ទេ!!!!!!) អ្នកអាចនិមិត្តសញ្ញាផ្សេងដើម្បីបង្ហាញកុមារ។
- កុមារអូទីហ្សឹមអាចយល់ច្រឡំអំពីមូលហេតុដែលអ្នកនិយាយថា (ទេ!!!!!!)។ ប្រសិនបើអី្វដែលកុមារកំពុងលេងជាសកម្មភាពសម្រាប់ ថ្ងៃស្អែក ឬថ្ងៃផ្សេង សូមព្យាយាមបង្ហាញកុមារពីកាលវិភាគរបស់គេ។
- ប្រសិនបើ អ្នកប្រើពាក្យ (ទេ!!!!!!) ពីព្រោះកុមារមានអាកប្បកិរិយាមិនសមរម្យ ព្យាយាមកុំស្រែកដាក់កុមារ ឬយកចិត្តទុកដាក់ខ្លាំងពេក (ប្រសិនមិនមានគ្រោះថ្នាក់) ការមិនឆ្លើយតបទៅអាកប្បកិរិយាមិនសមរម្យរបស់កុមារក៏ជាវិធីជួយកុមារផងដែរ៕