ការយល់ច្រឡំទី១​

បុគ្គលអូទីហ្សឹមទាំងអស់មិនអាចធើ្វការប្រាស្រ័យទាក់ទងបាននោះទេ។ 

អី្វដែលជាការពិត

បុគ្គលអូទីហ្សឹមជាច្រើនអាចធើ្វការប្រាស្រ័យទាក់ទងគ្នាយ៉ាងល្អ។ របៀបនៃការប្រាស្រ័យទាក់ទងរបស់បុគ្គលអូទីហ្សឹម ត្រូវការវិធីផ្សេងៗគ្នាស្របទៅតាមកំរិត និងសមត្ថភាពរបស់គេ ដូចជា តាមរយៈរូបភាព រូបចង្អុល ការសរសេរ ឬវាយពាក្យក្នុងឧបករណ៍អេឡិចត្រូនិចជាដើម។

ការយល់ច្រឡំទី២

បុគ្គលអូទីហ្សឹមទាំងអស់សុទ្ធតែមានអាកប្បកិរិយាកាច​ ខឹងឆេវឆាវ។

អី្វដែលជាការពិត

បុគ្គលអូទីហ្សឹមមិនមានអាកប្បកិរិយាកាច និងខឹងឆេវឆាវដូចគ្នាទាំងអស់នោះទេ ប៉ុន្តែនៅពេលដែលពួកគេមានអាកប្បកិរិយាបែបនេះ វាទំនងជាបណ្តាលមកពីអសមត្ថភាពក្នុងការទំនាក់ទំនង ឬមានអារម្មណ៍ភ័យខ្លាច។

ការយល់ច្រឡំទី៣

បុគ្គលអូទីហ្សឹមទាំងអស់សុទ្ធតែមានទេពកោសល្យបុិនប្រសប់ ហើយមានចំណាប់អារម្មណ៍ទៅលើវត្ថុតែមួយប៉ុណ្ណោះ។

អី្វដែលជាការពិត

ការសិក្សាមួយបានរកឃើញថា 69% នៃបុគ្គលអូទីហ្សឹមមានកំរិតប្រាជ្ញាក្រោម 85 (IQ below 85) និងមានតែ 3% នៃបុគ្គលអូទីហ្សឹមប៉ុណ្ណោះដែលត្រូវបានគេរកឃើញមានកំរិត IQ លើសពី 115 ។ បុគ្កលអូទីហ្សឹមមួយចំនួនក៏អាចមានចំណាប់អារម្មណ៍ទៅលើវត្ថុជាច្រើនទៀតដែរ។